განათლების კრახი

თუ დავაკვირდებით ადამიანებს, დავინახავთ რომ მხოლოდ მცირე ნაწილი მთლიანი საზოგადოების, აღწევს რაიმე ტიპის წარმატებას, იქნება ეს ფინანსური დამოუკიდებლობა, საყვარელი საქმნის კეთება თუ სხვებზე პოზიტიური გავლენის მოხდენა, მოკლედ, ასეთი ადამიანები არიან ცოტა. ზოგადად წარმატებას აქვს შეზღუდული გამართლების პროცენტულობა, სტარტაპების გიგანტური უმრავლესობა დაწყებისთანავე Fail-დება. მსგავსი ტრენდია ბიზნესშიც და უფრო რომ განვაზოგადოდ ურთიერთობებშიც.

ძაან რომ არ მივედ-მოვედოთ, მინდა ერთ მნიშვნელოვან საკითხს გავუსვა ხაზი, ჩვენ ვცხოვრობთ საზოგადოებაში სადაც უმრავლესობა ადგენს მიმართლებას, სტატისტიკის ყველა ადეკვატური მაჩვენებელი კი იმაზე მეტყველებს რომ უმრავლესობა ცდება, ცდება როდესაც საქმე ეხება განვითარებას, განათლებას და ურთიერთობებს.

ამიტომ ვკითხოთ ჩვენს თავს, ვის ჭკუაზე ვაპირებთ სიარულს, იმ უმრავლესობის რომელსაც არასოდეს გაუმართლა ცხოვრებაში? თუ იმათ ვინც რამე ტიპის წარმატებას მაინც მიაღწიეს? განათლების ასე ცენტრალიზება და ათასობით ბავშვის კონვეიერში გატარება იმ მიზნით რომ მუშები შექმნას არის დამღუპველი გზა, რომელის შედეგადაც ჩვენი ქვეყნის ეკონომიკა უკვე აღარც მიგორავს, არამედ დგას.

განათლება არასოდეს არ იყო ჩარჩოებში მოქცეული რამ, განათლება არის ნებისმიერი ტიპის ინფორმაციის გაცვლა ორ ან რამდენიმე ადამიანს შორის, ესაა სწავლა, ინფორმაციის მიღება, ინფორმაცია კი დღეს ყველგან არის, განსაკუთრებით ინტერნეტში, ადამიანები კი ბუნებით ცნობისმოყვარე არსებები ვართ, ყოველთვის გვიჩნდება კითხვები, თანამედროვე სამყარო კი ჩვენი ცნობისმოყვარეობით სარგებლობს და დამუშავებულ და დაღეჭილ ინფორმაციას გვაწვდის რათა მათ ვებ გვერდს ან ვიდეოს კლიკი მოემატოს. ეს სისტემა დღითიდღე იხვეწება, ხოლო ინდუსტრიული რევოლუციის სწავლის სისტემა უკვე დალპა და დღემდე აგრძელებს ახალგაზრდების გონების მოსპობას.

შედეგად გვყავს პოლიტიკურად პასიური ახალგაზრდობა, წარუმატებელი მშრომელები, რომლებიც ცხოვრების ლუპში აღმოაჩენენ ხოლმე თავს და ამ აღმოჩენის გაკეთებისას რაიმეს ცვლა მათთვის უკვე გვიანია. ჩვენ უნდა ვცადოთ მათი განთავისუფლება ამ მარაზმული სისტემისგან რომელსაც "განათლების სამინისტრო" ქვია. ადამიანები არ უნდა შეიზღუდონ ცოდნის მიღების ფორმაში, ეს ინდუსტრიული ჯართი სავალდებულო არ უნდა იყოს, ადამიანები თავად მოძებნიან გზებს რომ მათ შვილებმა ხარისხიანი და სასარგებლო განათლება მიიღონ.