3 ქართული პოდკასტი რომელიც უნდა გამოიწეროთ
რა არის პოდკასტი?
პოდკასტი ბევრნაირი ტიპის შეიძლება იყოს, შემეცნებითი, გასართობი, დროის გასაყვანი, შეიძლება იყოს სხვადასხვა სერიებიც და სასწავლო კურსიც, მაგალითად თუ გერმანულის ან ფრანგულის სწავლა გინდათ და დრო არ გაქვთ რომ სახლში მოკალათდეთ, მაშინ პოდკასტი იდეალური პლატფორმაა ტრანსპორტირებისას დაკარგული დროის დასაბალანსებლად. არამხოლოდ ეს, სახლის დალაგებისას, სეირნობისას, გაღვიძებისას ან თუნდაც ძილის წინ.
ჩემი ფავორიტი პლატფორმებია Castbox და Google Podcasts. ეს უკანასკნელი მხოლოდ ანდროიდზეა, მაგრამ Castbox-ით სარგებლობა შეგიძლიათ დამატებით iOS-ზეც და თუნდაც კომპიუტერის ბრაუზერით.
- ნიკოს პოდკასტი
რაც შეეხება პოდკასტებს, თუ გიყვართ მუსიკა, კინო და ზოგადად ტელევიზია, ნიკოს პოდკასტი იდეალური იქნება თქვენი გემოვნებისთვის. უკვე ასზე მეტ სერიაში ნიკო ნერგაძე ერთ საათიან ეპიზოდებში დარწვრილებით გიამბობთ ზემოთ ჩამოთვლილი თემების შესახებ, შეიძლება ბევრი საინტერესო ფილმი და მუსიკაც კი აღმოაჩინოთ. - თავისუფალი ბაზარი ვახო მეგრელიშვილთან
ახალი პოლიტიკური ცენტრი გირჩის ერთ-ერთი ლიდერი, ვახტანგ მეგრელიშვილი, საინტერესო სტუმრებთან ერთად საუბრობს ისეთ საკითხებზე, როგორებიცაა: სახელმწიფოს ძალაუფლების შეზღუდვა, თავდაცვის გაძლიერება, რეგულაციების შემცირება, მიწების პრივატიზაცია, ეკონომიკის ზრდის ბერკეტები და ა.შ. ამ პოდკასტში ბევრ საინტერესო იდეას გაეცნობით რითაც შემდეგ უფრო მტკიცედ შეძლებთ თქვენს ლექტორებთან და კურსელებთან კამათს. არხზე წარმოდგენილია გირჩის სხვა პოპულარული პროექტებიც, როგორიცაა: გადამარწმუნე, სპეციალურად გირჩისთვის და გირჩის თარგმანები.
- ლიტაგორა
თუ გაინტერესებთ პოპ კულტურა, რაც წესით გაინტერესებთ, მაშინ ეს პოდკასტი თქვენს ცნობისმოყვარეობას ნამდვილად დააკმაყოფილებს.
That's it folks, ერთი იმას დავამატებ, ვისთვისაც პოდკასტი უცხო ხილია, რომ ეს პლატფორმა იძლევა ეპიზოდების ჩაწერის საშუალებას, ჩანაწერის აჩქარება/შენელებას და საერთო ჯამში მოსახერხებელს ხდის ტრანსპორტირებისას ინფორმაციის კომფორტულ მიღებას. რაღა ერთი და იგივე მუსიკას ვუსმინოთ ყოველდღე, როდესაც შეგვიძლია ახალ იდეებს ჩავეჭიდოთ. გაითვალისწინეთ რომ პოდკასტების ზღვა მასალაა, მიუხედავად იმისა რომ ქართული პოდკასტები ძალიან ცოტაა, არსებობს უამრავი უცხოენოვანი სერია და არხი.
Comments
Post a Comment